IMPORTANTE:

A partir do 1 de xullo será obrigatorio figurar afiliado ao Sistema Fénix da RFEF para pertenecer a un club

Dende o club poñemos en coñecemento unha vez máis o SISTEMA FÉNIX ao cal debemos afiliarnos dende hoxe (algúns xa o fixeron) e que a partir do 1 de xullo de 2012 implantarase na Real Federación Española de Fútbol e nas respectivas Delegacións Autonómicas e que revolucionará moi positivamente a xestión de todos os procesos da administración do fútbol e facilitará e modernizará especialmente a xestión dos clubs.

Co obxectivo de cumprir o prazo sinalado, é requisito fundamental do Sistema Fenix, que os xogadores de fútbol a nivel de toda España se afilien no seu sistema on-line e o fagan con anterioridade ao 30 de xuño de 2012, coincidindo co final da actual tempada. Todo xogador de fútbol menor de idade, está obrigado que un dos pais ou titor, se afilie ao Sistema Fénix. Esta afiliación esténdese ás Xuntas Directivas, adestradores, árbitros e toda persoa vinculada a este deporte.

TODO O QUE NON FIGURE DE ALTA NO SISTEMA FÉNIX NESTE PRAZO, NON PODERÁ FICHAR NIN XOGAR EN CALQUERA CLUB DE ESPAÑA, SEXA CAL SEXA A CATEGORÍA, DURANTE A TEMPADA 2012-2013 E POSTERIORES.

Este proceso poderase facer cada un dende a súa casa, ou ben traendo o DNI á oficina do club xunto co correo electrónico. A páxina na que hai que rexistrarse é a seguinte Fénix. Premendo neste enlace poderase ver un video de como facer dito proceso. Video explicativo sistema Fénix.